<h2>मावळ:- ब्रिटिश कालीन काळापासूनच मावळ तालुक्याची राजधानी ठरलेल्या वडगाव मावळ येथे सन १८९० मध्येच तालुक्याचा कारभार पाहणारी मामलेदार कचेरी सुरू झाली. सन १८८९ मध्ये कचेरी ची इमारत बांधण्यात आल्याची नोंद आजही दिसते. तेव्हापासून आजतागायत म्हणजे तब्बल १३५ वर्षे हीच इमारत संपूर्ण मावळ तालुक्यातील नागरिकांना प्रशासकीय सेवा देत आहे.&nbsp;</h2> गेल्या २० वर्षात झपाट्याने नागरिकीकरण वाढत असताना त्या दृष्टीने अद्ययावत इमारत ही गरज वाटू लागली. परंतु, याबाबत आजतागायत ही बाब कोणाच्याही लक्षात आली नाही. नेमकी ही गरज आमदार सुनील अण्णा शेळके यांनी हेरली आणि पाच वर्षांपूर्वी निवडणूक लढतानाच प्रशासकीय इमारत उभारण्याचा मानस व्यक्त केला आणि निवडणुकीत विजयी होताच प्रशासकीय इमारत उभारून सर्व खात्यांचा कारभार एकाच छताखाली आणायचा अशी खूणगाठ बांधून पाठपुरावा सुरू केला. आमदार सुनील अण्णा शेळके यांनी अवघ्या दोन वर्षात सातत्याने पाठपुरावा करून नवीन प्रशासकीय इमारतीसाठी सुमारे ३५ कोटी रुपयांचा निधी मंजूर करून घेतला आणि प्रत्यक्ष कामालाही सुरुवात केली आज या प्रशासकीय इमारतीचे बांधकाम अंतिम टप्प्यात असून लवकरच या इमारतीचे लोकार्पण होणार आहे. यापूर्वी संपूर्ण तालुक्यातून विविध शासकीय कामांसाठी येणाऱ्या नागरिकांना संबंधित कार्यालयाच्या कामासाठी त्या त्या ठिकाणी जावे लागत होते. त्यामुळे वेळही वाया जात होता तसेच अनेकदा हेलपाटे मारावे लागत होते. परंतु या इमारतीचे लोकार्पण झाल्यानंतर मात्र सर्व शासकीय कार्यालय एकाच ठिकाणी येणार असल्याने नागरिकांच्या दृष्टीने अतिशय फायदेशीर ठरणार आहे. आमदार सुनील अण्णा शेळके यांची दूरदृष्टी, चिकाटी आणि दिलेला शब्द कोणत्याही परिस्थितीत पूर्ण करायचाच हे ध्येय याच जोरावर दोन वर्षे कोरोना संकट, एक वर्ष विरोधी पक्षात असताना अण्णांनी तालुक्यासाठी सुमारे ४ हजार कोटींचा निधी आणला असून यामध्ये तालुक्याचे मुख्यालय असलेल्या प्रशासकीय इमारतीसाठी प्राधान्याने लक्ष देऊन हे काम पूर्ण करण्याचा प्रयत्न केला आहे. <blockquote>नवीन प्रशासकीय इमारत वाढविणार राजधानीची शोभा !</blockquote><blockquote> </blockquote><blockquote>नवीन प्रशासकीय इमारत पूर्ण झाल्यानंतर आवारातील शासकीय कार्यालयांच्या जुन्या इमारती पाडण्यात येतील तसेच इमारतीपुढे छत्रपती शिवरायांचा भव्य पुतळा ही उभारण्यात येणार आहे. याशिवाय इमारतीच्या दोन्ही बाजूने मुंबई पुणे महामार्गाला जोडणारे रस्ते प्रस्तावित करण्यात आले आहे. यामुळे मावळ तालुक्याचे मुख्यालय राजधानी असलेल्या वडगाव शहरालाही शोभा येणार असून येथील वाहतूक पार्किंगची समस्या ही मार्गी लागणार आहे.</blockquote> <blockquote>तालुकास्तरीय शासकीय कार्यालय येणार एका छताखाली&nbsp;</blockquote><blockquote> </blockquote><blockquote>मावळ तालुक्याच्या प्रशासकीय कामासंदर्भात ही प्रशासकीय इमारत अत्यंत महत्त्वाची ठरणार आहे. कारण आता एकाच शताखाली सर्व तालुकास्तरीय शासकीय कार्यालय येणार आहे त्यामुळे नागरिकांना विविध शासकीय कार्यालयांमध्ये जाण्यासाठी वेळ खर्च करावा लागणार नाही. यामध्ये प्रामुख्याने तहसील कार्यालय भूमी अभिलेख कार्यालय सार्वजनिक बांधकाम विभाग कृषी विभाग सहाय्यक निबंधक कार्यालय दुय्यम निबंधक कार्यालय अशी सर्व महत्त्वाची शासकीय कार्यालयांचा समावेश असून प्रांताधिकारी कार्यालय सुद्धा याच इमारतीमध्ये सुरू होण्याची शक्यता आहे.</blockquote>

तालुकास्तरीय शासकीय कार्यालय येणार एका छताखाली 

नवीन प्रशासकीय इमारत वाढविणार राजधानीची शोभा !

पौष्टिक तृणधान्य हे आपले पारंपरिक, पोषणयुक्त, पौष्टिक, आरोग्यदायी अन्न असून त्याचा दिवसेंदिवस आहारातील वापर कमी होत आहे. त्यामुळे आपल्याला विविध आजारांचा सामना आपल्याला करावा लागत आहे. बदलत्या जीवनशैलीत आहाराकडे होत असलेले दुर्लक्ष आणि त्यामुळे उद्भवणाऱ्या आजारावर मात करण्याकरीता ज्वारी, बाजरी, नाचणी, राळा, वरई, कोदो, कुटकी, सावा, राजगिरा यासारखी पौष्टिक तृणधान्यांचा आहारात समावेश करण्याची गरज भासत आहे.&nbsp; आंतरराष्ट्रीय पौष्टिक तृणधान्य वर्ष भारत सरकारने वर्ष २०१८ हे राष्ट्रीय तृणधान्य वर्ष म्हणून साजरे केले. यावर्षीपासून त्यांना पोषक धान्य किंवा पोषक तृणधान्ये म्हटले जात आहे. संयुक्त राष्ट्र संघाने २०२३ हे वर्ष ‘आंतरराष्ट्रीय पौष्टिक तृणधान्य वर्ष’ म्हणून घोषित केले असून याअनुषंगाने राज्यात १ एप्रिल २०२३ ते ३१ मार्च २०२४ या कालावधीत पौष्टिक तृणधान्याची उत्पादन वाढ, तंत्रज्ञान प्रसार, मूल्यसाखळी विकास आदीसाठी ‘महाराष्ट्र श्री अन्न अभियान’ राबविण्यात येत आहे. मिलेट ऑफ मंथ’संकल्पना ‘आंतरराष्ट्रीय पौष्टिक तृणधान्य वर्ष’अंतर्गत ‘मिलेट ऑफ मंथ’ या संकल्पनेनुसार जानेवारी महिना बाजरी, फेब्रुवारी महिना ज्वारी, ऑगस्ट महिना राजगिरा, सप्टेंबर राळा, ऑक्टोबर वरई आणि डिसेंबर महिना नाचणी म्हणून साजरा करण्यात येत आहे. या उपक्रमाअंतर्गत राज्यात विविध कार्यक्रमाचे आयोजन करुन तृणधान्यांचे महत्व तसेच आहारात समावेश करण्याबाबत प्रोत्साहित करण्यात आले आहे.&nbsp; &nbsp;ज्वारी (सोरगम मिलेट्स) ज्वारी हे तृणधान्य असून ते ग्लुटेनमुक्त व मोठ्या प्रमाणात तंतुमय पदार्थ असणारे धान्य आहे. प्रथिने, थायमिन, नियासिन व जीवनसत्व बी-६ यांचा चांगला स्त्रोत आहे. ज्यांना ग्लुटेनचा त्रास होतो किंवा ज्यांना लहान आतड्याचा विकार आहे, अशा लोकांसाठी ज्वारी हा एक चांगला पर्याय आहे. ज्वारी हा अँटीऑक्सिडंटस घटकांचा एक चांगला स्त्रोतदेखील असून त्यामुळे कर्करोग व इतर रोगांपासून संरक्षण होण्यास मदत होऊ शकते. ज्वारीमध्ये मॅग्रेशियम, पोटॅशियम व जस्त या खनिजे अधिक प्रमाणात असतात.&nbsp; बाजरी (पर्ल्स मिलेट्स) बाजरी पचण्यास हलक्या तंतुमय घटकांनीयुक्त असल्यामुळे त्यास ‘सर्वोत्तम अन्नपदार्थ’ असे म्हणतात. वजन कमी करणे, रक्तातील मेदाचे प्रमाण कमी करण्यास मदत करते. बाजरीत कॅल्शियम, मॅग्रेशियम व लोह यांसारख्या खनिजांनी संपन्न असल्यामुळे एकूणच आरोग्य सुधारण्याच्यादृष्टीने ती अत्यंत उपयुक्त आहे.&nbsp;बाजरी हा फॉस्फरससमृद्ध स्त्रोत असून शरीरातील पेशी संरचनेतील तो एक महत्वाचा भाग आहे. मधुमेह नियंत्रित करण्यासाठी अत्यंत प्रभावी आहे. अधिक तंतुमयतेमुळे बाजरीचे पचन मंदगतीने होते. अन्य अन्नपदार्थाच्या तुलनेत कमी वेगाने रक्तात शर्करा सोडण्याचे काम करते. बाजरी हृदयाचे आरोग्य राखण्याच्यादृष्टीने महत्वाची भूमिका पार पाडते. आरोग्याच्या दृष्टीने अनावश्यक परिणाम कमी करण्याचे घटक असल्यामुळे हृदयविकाराचा धोका टाळण्यास मदत होते.&nbsp; सावा (लिटल मिलेट्स) लघु तृणधान्य हे छोटे, गोल व लालसर करड्या रंगाचे असते. त्यांना कुटकी, काब्बु आणि पोन्नी असे म्हटले जाते.&nbsp;ती मॅग्रेशियम, पोटॅशियम, जस्त व लोह याचा समावेश असलेल्या खनिज पदार्थांचा उत्तम स्त्रोत आहे. मॅग्नेशियम हृदयाचे आरोग्य वाढवते तर फॉस्फरस हे वजन कमी करण्याचे ऊतीची भरपाई करण्याचे व ऊर्जा निर्मितीचे कार्य करते. लघु तृणधान्य हे पाचक तंतुमय पदार्थ व जीवनसत्व बी-१, बी-२ व&nbsp;बी-६ यांच्यासारख्या जीवनसत्वांचा उत्तम स्त्रोत आहेत. त्यामध्ये मेद व कॅलरीज प्रमाण कमी आहेत.&nbsp; आगामी काळात निरोगी आयुष्य जगण्यासाठी आहारात तृणधान्याचे महत्व अधिक प्रमाणात वाढणार आहे. त्यामुळे प्रत्येकांनी आपल्या आहारात तृणधान्यांचा अधिकाधिक समावेश करुन शेतकऱ्याला आर्थिकदृष्या सक्षम करण्यासाठी प्रयत्न करण्याची गरज आहे. (क्रमश:)

तृणधान्य नियमित आहारात, आरोग्य नांदेल घराघरात



मावळ :- सावित्रीबाई फुले पुणे विद्यापीठाच्या राष्ट्रीय सेवा योजनेअंतर्गत पुणे जिल्हा शिक्षण मंडळाच्या आकुर्डी येथील प्रा.रामकृष्ण मोरे महाविद्यालयाचे विशेष हिवाळी श्रमसंस्कार शिबीर मौजे दिवड, तालुका मावळ येथे, जनकल्याण रक्त पेढी पुणे व राष्ट्रीय सेवा योजना यांच्या सहकार्यातून दिवड येथे 110 मुलींचे रक्ताचे नमुने तपासण्यात आले. यावेळी महाविद्यालयाचे उपप्राचार्य प्रा.डॉ.सोनवणे एच.बी. यांनी मार्गदर्शन केले. या कार्यक्रमाला डॉ. शिल्पागौरी गणपुले , डॉ. सुधीर बोराटे आणि डॉ.रामदास लाड हे उपस्थित होते. यावेळी मुलींना हिमोग्लोबीन वाढविण्यासाठी डॉ. शिल्पा जाजु, डॉ. रेणु वटकर यांनी मार्गदर्शन केले. तसेच अंगणवाडी येथे बोलक्या भिंतीचे चित्रीकरण करण्यात आले व पुस्तक पेटी, ग्रंथदान , खेळणी इ. साहित्याचे वाटप करण्यात आले. मौजे दिवड येथील प्राथमिक शाळेत देखील पुस्तकपेटी व खेळाचे साहित्य विद्यार्थ्यांना या प्रसंगी देण्यात आले. यानंतर येथील श्री संत ज्ञानेश्वर माध्यमिक विद्यालयातील विद्यार्थिनींसाठी व्यक्तिमत्त्व विकासावर व रोजगाराच्या संधी या विषयावर व्याख्यानाचे आयोजन करण्यात आले होते. प्रमुख वक्ते म्हणून डॉ. संगीता रानडे (रोटरी क्लब ,चिंचवड पुणे ) यांनी विद्यार्थिनींना मार्गदर्शन करताना भाष्य केले कि, मुलींनी आकर्षणाला बळी न पडता वास्तविकतेचा विचार करून निर्णय घेतला पाहिजे. आपल्या मार्गदर्शनामध्ये त्यांनी सांगितले कि विद्यार्थिनींनी प्रामाणिकपणा, शिस्त, अणि वक्तशीरपणा याचे पालन केले पाहिजे. त्यानंतर या कार्यक्रमाचे प्रमुख पाहुणे म्हणून हर्षा जोशी (अध्यक्ष रोटरी क्लब चिंचवड,पुणे) यांनी विद्यार्थ्यांंना येणार्‍या मानसिक अणि सामाजिक समस्यांविषयी मार्गदर्शन केले. तसेच दुपारच्या सत्रात प्रा.रामकृष्ण मोरे कॉलेज मधील मराठी विभाग प्रमुख प्रा.डॉ. एम.एम. बागुल यांनी मराठी भाषेची अस्मिता व अभिजात मराठी भाषा यावर भाष्य केले.तसेच प्रा.डॉ.अमोल बीबे यांनी वृक्षारोपण करणे काळाची गरज असल्याचे मत मांडले. या कार्यक्रमाचे प्रमुख उपस्थिती एकता प्रतिष्ठानचे मा. बाळासाहेब घारे व रश्मी घारे गाव डोणे यांनी आर्थिक साक्षरता, बँकिंग मधील डिजिटल फसवणूक आदी विषयांवर आपले विचार मांडले. याप्रसंगी जिल्हा समन्वयक डॉ. सारिका मोहोळ राष्ट्रीय सेवा योजनेचे कार्यक्रम अधिकारी प्रा.डॉ.मधूकर राठोड, प्रा. डॉ.पुनम वाणी, प्रा. डॉ. वैभव साळवे तसेच समिती सदस्य प्रा. मधुजीत नायकवडी, प्रा.विक्रांत शेळके,प्रा. सरिता भंडारी, प्रा. गंगाधर किटाळे हे उपस्थित होते. .....<img src="https://newsdreamcare.s3.amazonaws.com/899c8140-5991-4a25-9063-56762d0822bb.png">

प्रा.रामकृष्ण मोरे महाविद्यालयाच्या    रा.से.यो. यांच्या वती

प्रा.रामकृष्ण मोरे महाविद्यालयाच्या    रा.से.यो. यांच्या वतीने रक्त तपासणी  शिबिराचे आयोजन

&nbsp;प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात&nbsp;साजरा झाला &nbsp;बेबडओहळ:&nbsp;&nbsp;दिनांक २४ डिसेंबर २०२४ रोजी शिव मल्हार एज्युकेशन ट्रस्ट संचलित&nbsp;प्राईम रोझ इंग्लिश मिडियम&nbsp;स्कूलमध्ये वार्षिक स्नेहसंमेलन मोठ्या जल्लोषात साजरा झाला. शाळेचे संस्थापक डॉ. सत्यवान बालवडकर सर आणि शाळेच्या मुख्याध्यापिका निकिता वधवा तसेच उपस्थित प्रमुख पाहुणे वानप्रस्थाश्रमच्या संचालिका उर्मिला भरत छाजेड यांच्या हस्ते प्रतिमा पुजन व दीपप्रज्वलन झाले. त्यानंतर&nbsp;कार्यक्रमास सुरूवात&nbsp;झाली . उपस्थित मान्यवरांचे सत्कार&nbsp;झाले.&nbsp;या कार्यक्रमाचा विषय ‘One God Many Faces’ म्हणजे ‘एक परमात्मा पण त्याची असंख्य रूपे’ हा होता.वार्षिक स्नेहसंमेलन हा विद्यार्थ्यांच्या गुणवत्तेचा आणि कला गुणांचा कार्यक्रम आणि त्या गोष्टीचे औचित्य साधून विद्यार्थ्यांनी आपला कलाविष्कार दाखवला . तसेच प्रमुख पाहुणे म्हणून उपस्थित असलेल्या उर्मिला छाजेड यांनी मार्गदर्शनपर वक्तव्य केले.कार्यक्रमासाठी सर्व विद्यार्थी खूप उत्साहित होते. सर्व जाती धर्म वेगळे असले तरी विविधतेत एकता आहे. असा संदेश देण्याचा या कार्यक्रमा पाठीमागचा प्रमुख उद्देश होता. तसेच उपस्थित मान्यवर ,शाळेचे संस्थापक ,मुख्याध्यापिका यांच्या हस्ते गुणवंत विद्यार्थ्यांचा सत्कार करण्यात आला..अशा प्रकारे&nbsp;शाळेचे संस्थाप्रमुख, शाळेच्या मुख्याध्यापिका,उपस्थित मान्यवर, विद्यार्थी, व पालकवर्ग,शिक्षक तसेच शिक्षकेतर कर्मचारी&nbsp;यांच्या उपस्थितीत कार्यक्रम जल्लोषात संपन्न झाला. ......<img src="https://newsdreamcare.s3.amazonaws.com/32df5b65-652a-4f56-aeee-324839be5f4b.png">

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मो

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात साजरा झाला

पुणे, दि. ३०: विभागीय आयुक्त डॉ. चंद्रकांत पुलकुंडवार तसेच पोलीस आयुक्त अमितेश कुमार यांनी पेरणे येथे विजयस्तंभ अभिवादन कार्यक्रमाच्या अनुषंगाने सुरू असलेल्या तयारीची पाहणी केली. यावेळी पोलीस सह आयुक्त रंजन कुमार शर्मा, अतिरिक्त पोलीस आयुक्त मनोज पाटील, पोलीस उपायुक्त डॉ. राजकुमार शिंदे, उप विभागीय अधिकारी यशवंत माने आदी उपस्थित होते. यावेळी त्यांनी विजयस्तंभाचे सुशोभीकरण, गर्दी व्यवस्थापन, रांगा व्यवस्थापनाच्या अनुषंगाने केलेले नियोजन, आजूबाजूच्या जागेचे सपाटीकरण तसेच उभारण्यात येत असलेली शौचालये, उभारलेले पेंडाल, पोलीस सूचना मनोरे आदींच्या उभारणीची तयारी आदीची पाहणी करून संबंधितांना सूचना दिल्या. उपस्थित विविध संघटनांचे प्रतिनिधींशीही त्यांनी संवाद साधून त्यांच्या सूचना जाणून घेतल्या......<img src="https://newsdreamcare.s3.amazonaws.com/e3174473-7a22-4fc6-be6e-b189c59cfc4c.png">

विभागीय आयुक्त आणि पोलीस आयुक्तांनी केली विजयस्तंभ अभिवादन क

विभागीय आयुक्त आणि पोलीस आयुक्तांनी केली विजयस्तंभ अभिवादन कार्यक्रमाच्या तयारीची पाहणी

*आबांच्या योजनेला पुणे पोलीस अधीक्षकांचा खो..* *पोलीस अधीक्षकांच्या मनमानी कारभारामुळे पोलीसांच्या प्रोत्साहन भत्त्याला हरताळ* पुणे :- लाठी काठी आणि कायदयाचा धाक दाखवणारं पोलीस खात म्हणजे गृह खातं अशी ओळख, पण आबांनी या खात्याचा उपयोग माणसांची मनं सांधण्यासाठी केला. सत्ता ही सर्वसामान्य माणसांच्या प्रगतीसाठी आणि त्यांचे उत्थानासाठी वापरायची असते हे आबांनी त्यावेळी कृतीतून दाखवून दिले. उपमुख्यमंत्री व गृहमंत्री पद भोगत असताना त्यांनी आबाचा कधी आबासाहेब होवू दिला नाही. गृहमंत्री पदाची धुरा सांभाळताना अभ्यासपूर्ण केलेली पारदर्शक मेघा पोलीस भरती. आजही त्यावेळी भरती झालेले पोलीस त्यांचे फोटोचे रोज दर्शन घेतात. त्यांचे कारकिर्दीतील महात्मा गांधी तंटामुक्ती अभियान, संत गाडगेबाबा स्वच्छता अभियान, डान्सबारवरील प्रभावी बंदी, पारदर्शक गृहखात्याचा कारभार व पोलीसांबद्दलची आत्मीयता यामुळेच त्यांचेकडे आजही कोणी बोट दाखवू शकत नाही. त्यांच्या या योजनांमुळे पिढयांनपिढयाचे वैर भांडणे संपुष्टात आली.अनेक उद्धस्त होणारे संसार वाचले. 	 आबांचे गृहमंत्री कारकिर्दीत सन २००६ मध्ये पारीत केलेले शासन परिपत्रकाप्रमाणे, पोलीस दलातील ३० वर्षापेक्षा जास्त वय असलेले पोलीस शिपाई ते पोलीस निरीक्षक यांचेसाठी वजन, उंची या वैदयक सुत्रानुसार २५ पेक्षा कमी बॉडी मास इंडेक्स असलेले पोलीसांना दरमहा २५० रुपये वेतनासोबत प्रोत्साहन भत्ता ही योजना राबविली. त्यासाठी कुटुंब योजनेअंतर्गत अंतर्भूत मान्यता असलेल्या रुग्णालयातून पोलीसांनी तपासणी करुन बी.एम.आय. प्रमाणपत्र दर वर्षाचे फेब्रुवारी अखेर घटक प्रमुखांना सादर करतील व त्याप्रमाणे पात्र पोलीसांना एप्रिल पासूनचे वेतनामध्ये २५० रुपये भत्ता लागू केला जाईल याबाबत निर्देश दिलेले आहेत. 	त्याप्रमाणे महाराष्ट्र पोलीस दलातील सर्व जिल्हयात त्याची प्रभावी अंमलबजावणी होवून योजना सुरळीत चालू आहे. एकमेव पुणे ग्रामीण पोलीस दलातील पोलीस अधिकारी व कर्मचारी यांनी वरील शासन निर्णयातील नियमाप्रमाणे सन २०२४-२५ या वित्तीय वर्षातील प्रोत्साहन भत्ता मिळणेकरीता नियमाप्रमाणे वैदयकिय प्रमाणपत्र सादर करुनही एप्रिल २०२४ पासून (सुमारे ९ महिने) प्रोत्साहन भत्त्यापासून वंचित ठेवलेले आहे. या विलंबाबाबत पोलीसांनी वरीष्ठांकडे दाद मागण्याची चर्चा केलेवर पोलीस अधीक्षक कार्यालयाकडून दिनांक १३/१२/२०२४ रोजी काही प्रमाणपत्र चुकीची असल्याचे आढळून आल्याचे कारण सांगून जिल्हयातील सुमारे १७०० पोलीस अधिकारी व कर्मचारी यांना दिनांक १६ ते २० डिसेंबर या कालावधीत मुख्यालय येथील वैदयकिय अधिकारी यांचेकडे फेरतपासणी करणेबाबत आदेश दिलेले आहेत व जे पोलीस अधिकारी कर्मचारी अनुपस्थीत राहतील त्यांना प्रोत्साहन भत्ता लागू होणार नाही असे मनमानी लेखी कळविले आहे. ९ महिने उलटूनही आजपर्यत यावर कार्यवाही का झाली नाही? याबाबत संतप्त सवाल पोलीस दलात उपस्थित होत आहे.	 वास्तविक सदर यादीतील पोलीस अधिकारी कर्मचारी यांनी मुख्यालय येथीलच वैदयकिय अधिकारी तसेच शासकिय परिपत्रकातील मान्यताप्राप्त वैदयकिय अधिकारी यांचेकडून बी.एम.आय. प्रमाणपत्र घेतलेले आहे. ज्यांनी मुख्यालय येथील वैदयकिय अधिकारी यांचेकडून यापूर्वी प्रमाणपत्र घेतले आहे जे मयत आहेत त्यांचे नाव वगळण्याची तसदी सुध्दा पोलीस अधीक्षक यांनी घेतलेली नाही. ९ महिने उलटूनही पोलीस अधीक्षक यांनी केलेल्या पडताळणीत चुकीचे आढळून आलेल्या प्रमाणपत्र देणारे डॉक्टरांवर व ते सादर करणा-यांवर चौकशी करून कारवाई का केली नाही? असा प्रामाणिक प्रश्न उपस्थित होत आहे. पुणे ग्रामीण पोलीस दलातील कर्मचा-यांवरील कामाचा ताण, कायम बंदोबस्तामुळे न मिळणा-या सुट्टया, कौंटुंबिक तणाव याचा संयम साधून इंदापुर, शिरुर, जुन्नर, ओतूर आळेफाटा, लोणावळा, वेल्हा असा ग्रामीण भागातून १०० ते १५० किलोमीटरचा दुहेरी धोकादायक प्रवास करुन बी.एम.आय. फेरतपासणी मानसिक स्थितीत राहील काय? दिवसभरात ४ तास उघडे राहणारे मुख्यालयातील दवाखान्यात कसरत करून वेळेत पोहचतील काय? असा संतप्त सवाल उपस्थित होत आहे. 	 मताचे राजकारणासाठी लाडक्या बहिणींना १५०० रुपये देणा-या सरकारने समाजाची अहोरात्र सेवा करणा-या पोलीसांसाठी आर.आर.आबा यांनी राबविलेल्या २५० रुपये प्रोत्साहन भत्त्यामध्ये सन २००६ पासून आजपर्यंत एक रुपयाची सुध्दा वाढ केलेली नाही. उलट पोलीसांचे सुरळीत चालू असलेल्या प्रोत्साहन भत्ता योजनलेला पोलीस अधीक्षक पंकज देशमुख यांनी खो घालण्याचा प्रयत्न केलेला आहे. त्यामुळे पुणे ग्रामीण पोलीस दलात तीव्र नाराजी असून भिक नको पण .... अशी दबक्या आवाजात चर्चा आहे. पोलीसांना सध्या वाली नसून भावी गृहमंत्री याबाबत योग्य निर्णय घेतील अशी पोलिसांना अपेक्षा आहे.

पोलीस अधीक्षकांच्या मनमानी कारभारामुळे पोलीसांच्या प्रोत्साहन भत्त्याला हरताळ*

नवीन प्रशासकीय इमारत वाढविणार राजधानीची शोभा !

तृणधान्य नियमित आहारात, आरोग्य नांदेल घराघरात

लेटेस्ट अपडेट्स

प्रा.रामकृष्ण मोरे महाविद्यालयाच्या रा.से.यो. यांच्या वतीने रक्त तपासणी शिबिराचे आयोजन

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात साजरा झाला

विभागीय आयुक्त आणि पोलीस आयुक्तांनी केली विजयस्तंभ अभिवादन कार्यक्रमाच्या तयारीची पाहणी

आबांच्या योजनेला पुणे पोलीस अधीक्षकांचा खो..