पुणे दि.१७: राज्याचे सार्वजनिक आरोग्य व कुटुंब कल्याण मंत्री प्रा. डॉ. तानाजी सावंत यांच्या संकल्पनेतून राष्ट्रीय अंधत्व व दृष्टीक्षीणता नियंत्रण कार्यक्रमाअंतर्गत १९ फेब्रुवारी ते ४ मार्चदरम्यान राज्यभरात विशेष मोतीबिंदू शस्त्रक्रिया मोहीम राबविण्यात येणार असून, या कालावधीत १ लाख रुग्णांची मोतिबिंदू शस्त्रक्रिया करण्याचे उद्दिष्ट आरोग्य विभागाने ठेवले आहे. शासकीय रुग्णालय, मान्यता प्राप्त स्वयंसेवी संख्या रुग्णालय येथे मोफत मोतीबिंदू शस्त्रक्रिया केल्या जाणार असून नागरिकांनी त्याचा लाभ घ्यावा, असे आवाहन सार्वजनिक आरोग्य विभागाने केले आहे. या मोहिमेंतर्गत १ लाख शस्त्रक्रिया करण्यासाठी आरोग्य विभागाने जिल्हानिहाय नियोजन केले असून संबंधित आरोग्य अधिकारी आणि कर्मचाऱ्यांना जबाबदारी देण्यात आली आहे. केंद्र शासनामार्फत ‘राष्ट्रीय नेत्र ज्योती अभियान’ ही विशेष मोहीम जून २०२२ पासून राबविण्यात येत आहे. या मोहिमेत ५० किंवा त्याहून अधिक वयाच्या लोकांमध्ये अंधत्व आणि एसव्हीआय कारणीभूत असलेल्या मोतीबिंदू शस्त्रक्रियांचा अनुशेष पूर्णपणे भरून काढण्याचे लक्ष्य ठेवण्यात आले आहे. या कार्यक्रमांतर्गत २०२२ ते २०२५ या तीन वर्षात २७ लाख मोतीबिंदू शस्त्रक्रियांचे उद्दिष्ट आहे. आरोग्य विभागाच्या या मोहिमेमुळे नागरिकांना मोफत शस्त्रक्रियेचा लाभ घेता येणार आहे. सन २०२२-२३ मध्ये राज्यात मोतिबिंदू शस्त्रक्रियेचे ११२.५१ टक्के उद्दिष्ट साध्य करण्यात आले आहे व २०२३-२४ या आर्थिक वर्षात डिसेंबर २०२३ पर्यंत एकूण उद्दिष्टाच्या ६७.३० टक्के मोतीबिंदू शस्त्रक्रिया करण्यात आल्या आहेत. सन २०२३-२४ या आर्थिक वर्षातील मोतीबिंदू शस्त्रक्रियेचे उद्दिष्ट पूर्ण करण्याकरिता १९ फेब्रुवारी ते ४ मार्च या कालावधीत जिल्हा स्तरावर ‘विशेष मोतिबिंदू शस्त्रक्रिया मोहीम राबविण्यात येणार आहे. या मोहिमेकरिता दिलेले उद्दीष्ट पूर्ण करण्यासाठी शासकीय आरोग्य संस्थांसह, अशासकीय स्वंयसेवी संस्था तसेच खासगी संस्थांचे सहकार्य घेण्यात येणार आहे. याविषयी किंवा इतर आरोग्य विषयक सल्ला घेण्यासाठी नागरिकांनी १०४ या टोल फ्री क्रमांकावर संपर्क साधावा, असे आवाहन आरोग्य विभागाने केले आहे.

पंधरवड्यात १ लाख शस्त्रक्रिया करण्याचे लक्ष्य

सार्वजनिक आरोग्य विभागाची १९ फेब्रुवारी ते ४ मार्च दरम्यान व

सार्वजनिक आरोग्य विभागाची १९ फेब्रुवारी ते ४ मार्च दरम्यान विशेष मोतीबिंदू शस्त्रक्रिया मोहीम

तळेगाव दाभाडे : तळेगाव दाभाडे येथील माईर एमआयटी पुणेचे एमआयएमईआर वैद्यकीय महाविद्यालय व डॉ भाऊसाहेब सरदेसाई तळेगाव ग्रामीण रुग्णालयाच्या जनरल सर्जरी विभागाचे विभागप्रमुख, प्राध्यापक डॉ सचिन नाईक यांची नाशिक येथे आयोजित ४६ व्या MASICON मध्ये असोसिएशन ऑफ सर्जन्स ऑफ इंडिया (ASI) - महाराष्ट्र चॅप्टरचे ^सचिव* म्हणून निवड करण्यात आली आहे. वैद्यकीय शिक्षकाची राज्याच्या उच्चभ्रू शल्यचिकित्सकांच्या संघटनेच्या पदावर निवड होणे, हा केवळ एमआयएमईआर वैद्यकीय महाविद्यालय साठीच नाही तर संपूर्ण वैद्यकीय शिक्षक बांधवांसाठी अभिमानास्पद आणि विशेष क्षण आहे. ही नेमणूक तीन वर्षाकरिता करण्यात आली आहे. असोसिएशन ऑफ सर्जन्स ऑफ इंडियाची स्थापना ही भारतीय शल्यचिकित्सकांमध्ये एकमेकांच्या अनुभवांची देवाण घेवाण करण्याच्या आणि त्यांचे शस्त्रक्रिया कौशल्य वाढवण्याच्या उद्देशाने करण्यासाठी १९३८ मध्ये करण्यात आली. डॉ सचिन नाईक हे एमआयएमईआर वैद्यकीय महाविद्यालय या संस्थेत जनरल सर्जरी विभागाचे प्राध्यापक व विभागप्रमुख म्हणून कार्यरत आहेत. त्यांचा २४ वर्षांचा अध्यापनाचा अनुभव आहे. त्यांनी एमबीबीएस (१९९२) आणि एमएस सर्जरी (१९९८) मध्ये पदव्युत्तर शिक्षण घेतले आहे. एशियन इन्स्टिट्यूट ऑफ गॅस्ट्रोएन्टेरोलॉजी (AIG), हैदराबाद येथे एंडोस्कोपीचे प्रशिक्षण तसेच जीईएम (GEM) हॉस्पिटल, कोईम्बतूर येथे लॅपरोस्कोपिक शस्त्रक्रियाचे शिक्षण पूर्ण केले.  डॉ सचिन नाईक हे असोसिएशन ऑफ मिनिमल ऍक्सेस सर्जन्स ऑफ इंडिया (AMASI), इंडियन मेडिकल असोसिएशन (IMA–पुणे), पूना सर्जिकल सोसायटी (PSS), सोसायटी ऑफ गॅस्ट्रोइंटेस्टाइनल एंडोस्कोपी ऑफ इंडिया (SGEI) व इंडियन सोसायटी ऑफ गॅस्ट्रोएन्टेरोलॉजी (ISG) यांचे प्रमुख सदस्य आहेत. डॉ सचिन नाईक यांची महाराष्ट्र असोसिएशन ऑफ सर्जन्स ऑफ इंडियाच्या सचिव पदी निवड झाल्याबद्दल वैद्यकीय अधीक्षक डॉ दर्पण महेशगौरी, समन्वयक डॉ तुषार खाचणे, प्राचार्या डॉ संध्या कुलकर्णी, कार्यकारी संचालक डॉ विरेंद्र घैसास व कार्यकारी संचालिका डॉ सुचित्रा नागरे यांनी त्यांचे अभिनंदन केले व त्यांच्या पुढील कार्याकरिता त्यांना शुभेच्छा दिल्या.

प्रा.डॉ. सचिन नाईक

एमआयएमईआर वैद्यकीय महाविद्यालयाचे सर्जरी विभागाचे विभागप्रमु

एमआयएमईआर वैद्यकीय महाविद्यालयाचे सर्जरी विभागाचे विभागप्रमुख प्रा. डॉ.सचिन नाईक यांची महाराष्ट्र असोसिएशन ऑफ सर्जन्स ऑफ इंडियाच्या सचिव पदी निवड''

मावळ :- सावित्रीबाई फुले पुणे विद्यापीठाच्या राष्ट्रीय सेवा योजनेअंतर्गत पुणे जिल्हा शिक्षण मंडळाच्या आकुर्डी येथील प्रा.रामकृष्ण मोरे महाविद्यालयाचे विशेष हिवाळी श्रमसंस्कार शिबीर मौजे दिवड, तालुका मावळ येथे, जनकल्याण रक्त पेढी पुणे व राष्ट्रीय सेवा योजना यांच्या सहकार्यातून दिवड येथे 110 मुलींचे रक्ताचे नमुने तपासण्यात आले. यावेळी महाविद्यालयाचे उपप्राचार्य प्रा.डॉ.सोनवणे एच.बी. यांनी मार्गदर्शन केले. या कार्यक्रमाला डॉ. शिल्पागौरी गणपुले , डॉ. सुधीर बोराटे आणि डॉ.रामदास लाड हे उपस्थित होते. यावेळी मुलींना हिमोग्लोबीन वाढविण्यासाठी डॉ. शिल्पा जाजु, डॉ. रेणु वटकर यांनी मार्गदर्शन केले. तसेच अंगणवाडी येथे बोलक्या भिंतीचे चित्रीकरण करण्यात आले व पुस्तक पेटी, ग्रंथदान , खेळणी इ. साहित्याचे वाटप करण्यात आले. मौजे दिवड येथील प्राथमिक शाळेत देखील पुस्तकपेटी व खेळाचे साहित्य विद्यार्थ्यांना या प्रसंगी देण्यात आले. यानंतर येथील श्री संत ज्ञानेश्वर माध्यमिक विद्यालयातील विद्यार्थिनींसाठी व्यक्तिमत्त्व विकासावर व रोजगाराच्या संधी या विषयावर व्याख्यानाचे आयोजन करण्यात आले होते. प्रमुख वक्ते म्हणून डॉ. संगीता रानडे (रोटरी क्लब ,चिंचवड पुणे ) यांनी विद्यार्थिनींना मार्गदर्शन करताना भाष्य केले कि, मुलींनी आकर्षणाला बळी न पडता वास्तविकतेचा विचार करून निर्णय घेतला पाहिजे. आपल्या मार्गदर्शनामध्ये त्यांनी सांगितले कि विद्यार्थिनींनी प्रामाणिकपणा, शिस्त, अणि वक्तशीरपणा याचे पालन केले पाहिजे. त्यानंतर या कार्यक्रमाचे प्रमुख पाहुणे म्हणून हर्षा जोशी (अध्यक्ष रोटरी क्लब चिंचवड,पुणे) यांनी विद्यार्थ्यांंना येणार्‍या मानसिक अणि सामाजिक समस्यांविषयी मार्गदर्शन केले. तसेच दुपारच्या सत्रात प्रा.रामकृष्ण मोरे कॉलेज मधील मराठी विभाग प्रमुख प्रा.डॉ. एम.एम. बागुल यांनी मराठी भाषेची अस्मिता व अभिजात मराठी भाषा यावर भाष्य केले.तसेच प्रा.डॉ.अमोल बीबे यांनी वृक्षारोपण करणे काळाची गरज असल्याचे मत मांडले. या कार्यक्रमाचे प्रमुख उपस्थिती एकता प्रतिष्ठानचे मा. बाळासाहेब घारे व रश्मी घारे गाव डोणे यांनी आर्थिक साक्षरता, बँकिंग मधील डिजिटल फसवणूक आदी विषयांवर आपले विचार मांडले. याप्रसंगी जिल्हा समन्वयक डॉ. सारिका मोहोळ राष्ट्रीय सेवा योजनेचे कार्यक्रम अधिकारी प्रा.डॉ.मधूकर राठोड, प्रा. डॉ.पुनम वाणी, प्रा. डॉ. वैभव साळवे तसेच समिती सदस्य प्रा. मधुजीत नायकवडी, प्रा.विक्रांत शेळके,प्रा. सरिता भंडारी, प्रा. गंगाधर किटाळे हे उपस्थित होते. .....<img src="https://newsdreamcare.s3.amazonaws.com/899c8140-5991-4a25-9063-56762d0822bb.png">

प्रा.रामकृष्ण मोरे महाविद्यालयाच्या    रा.से.यो. यांच्या वती

प्रा.रामकृष्ण मोरे महाविद्यालयाच्या    रा.से.यो. यांच्या वतीने रक्त तपासणी  शिबिराचे आयोजन

&nbsp;प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात&nbsp;साजरा झाला &nbsp;बेबडओहळ:&nbsp;&nbsp;दिनांक २४ डिसेंबर २०२४ रोजी शिव मल्हार एज्युकेशन ट्रस्ट संचलित&nbsp;प्राईम रोझ इंग्लिश मिडियम&nbsp;स्कूलमध्ये वार्षिक स्नेहसंमेलन मोठ्या जल्लोषात साजरा झाला. शाळेचे संस्थापक डॉ. सत्यवान बालवडकर सर आणि शाळेच्या मुख्याध्यापिका निकिता वधवा तसेच उपस्थित प्रमुख पाहुणे वानप्रस्थाश्रमच्या संचालिका उर्मिला भरत छाजेड यांच्या हस्ते प्रतिमा पुजन व दीपप्रज्वलन झाले. त्यानंतर&nbsp;कार्यक्रमास सुरूवात&nbsp;झाली . उपस्थित मान्यवरांचे सत्कार&nbsp;झाले.&nbsp;या कार्यक्रमाचा विषय ‘One God Many Faces’ म्हणजे ‘एक परमात्मा पण त्याची असंख्य रूपे’ हा होता.वार्षिक स्नेहसंमेलन हा विद्यार्थ्यांच्या गुणवत्तेचा आणि कला गुणांचा कार्यक्रम आणि त्या गोष्टीचे औचित्य साधून विद्यार्थ्यांनी आपला कलाविष्कार दाखवला . तसेच प्रमुख पाहुणे म्हणून उपस्थित असलेल्या उर्मिला छाजेड यांनी मार्गदर्शनपर वक्तव्य केले.कार्यक्रमासाठी सर्व विद्यार्थी खूप उत्साहित होते. सर्व जाती धर्म वेगळे असले तरी विविधतेत एकता आहे. असा संदेश देण्याचा या कार्यक्रमा पाठीमागचा प्रमुख उद्देश होता. तसेच उपस्थित मान्यवर ,शाळेचे संस्थापक ,मुख्याध्यापिका यांच्या हस्ते गुणवंत विद्यार्थ्यांचा सत्कार करण्यात आला..अशा प्रकारे&nbsp;शाळेचे संस्थाप्रमुख, शाळेच्या मुख्याध्यापिका,उपस्थित मान्यवर, विद्यार्थी, व पालकवर्ग,शिक्षक तसेच शिक्षकेतर कर्मचारी&nbsp;यांच्या उपस्थितीत कार्यक्रम जल्लोषात संपन्न झाला. ......<img src="https://newsdreamcare.s3.amazonaws.com/32df5b65-652a-4f56-aeee-324839be5f4b.png">

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मो

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात साजरा झाला

पुणे, दि. ३०: विभागीय आयुक्त डॉ. चंद्रकांत पुलकुंडवार तसेच पोलीस आयुक्त अमितेश कुमार यांनी पेरणे येथे विजयस्तंभ अभिवादन कार्यक्रमाच्या अनुषंगाने सुरू असलेल्या तयारीची पाहणी केली. यावेळी पोलीस सह आयुक्त रंजन कुमार शर्मा, अतिरिक्त पोलीस आयुक्त मनोज पाटील, पोलीस उपायुक्त डॉ. राजकुमार शिंदे, उप विभागीय अधिकारी यशवंत माने आदी उपस्थित होते. यावेळी त्यांनी विजयस्तंभाचे सुशोभीकरण, गर्दी व्यवस्थापन, रांगा व्यवस्थापनाच्या अनुषंगाने केलेले नियोजन, आजूबाजूच्या जागेचे सपाटीकरण तसेच उभारण्यात येत असलेली शौचालये, उभारलेले पेंडाल, पोलीस सूचना मनोरे आदींच्या उभारणीची तयारी आदीची पाहणी करून संबंधितांना सूचना दिल्या. उपस्थित विविध संघटनांचे प्रतिनिधींशीही त्यांनी संवाद साधून त्यांच्या सूचना जाणून घेतल्या......<img src="https://newsdreamcare.s3.amazonaws.com/e3174473-7a22-4fc6-be6e-b189c59cfc4c.png">

विभागीय आयुक्त आणि पोलीस आयुक्तांनी केली विजयस्तंभ अभिवादन क

विभागीय आयुक्त आणि पोलीस आयुक्तांनी केली विजयस्तंभ अभिवादन कार्यक्रमाच्या तयारीची पाहणी

*आबांच्या योजनेला पुणे पोलीस अधीक्षकांचा खो..* *पोलीस अधीक्षकांच्या मनमानी कारभारामुळे पोलीसांच्या प्रोत्साहन भत्त्याला हरताळ* पुणे :- लाठी काठी आणि कायदयाचा धाक दाखवणारं पोलीस खात म्हणजे गृह खातं अशी ओळख, पण आबांनी या खात्याचा उपयोग माणसांची मनं सांधण्यासाठी केला. सत्ता ही सर्वसामान्य माणसांच्या प्रगतीसाठी आणि त्यांचे उत्थानासाठी वापरायची असते हे आबांनी त्यावेळी कृतीतून दाखवून दिले. उपमुख्यमंत्री व गृहमंत्री पद भोगत असताना त्यांनी आबाचा कधी आबासाहेब होवू दिला नाही. गृहमंत्री पदाची धुरा सांभाळताना अभ्यासपूर्ण केलेली पारदर्शक मेघा पोलीस भरती. आजही त्यावेळी भरती झालेले पोलीस त्यांचे फोटोचे रोज दर्शन घेतात. त्यांचे कारकिर्दीतील महात्मा गांधी तंटामुक्ती अभियान, संत गाडगेबाबा स्वच्छता अभियान, डान्सबारवरील प्रभावी बंदी, पारदर्शक गृहखात्याचा कारभार व पोलीसांबद्दलची आत्मीयता यामुळेच त्यांचेकडे आजही कोणी बोट दाखवू शकत नाही. त्यांच्या या योजनांमुळे पिढयांनपिढयाचे वैर भांडणे संपुष्टात आली.अनेक उद्धस्त होणारे संसार वाचले. 	 आबांचे गृहमंत्री कारकिर्दीत सन २००६ मध्ये पारीत केलेले शासन परिपत्रकाप्रमाणे, पोलीस दलातील ३० वर्षापेक्षा जास्त वय असलेले पोलीस शिपाई ते पोलीस निरीक्षक यांचेसाठी वजन, उंची या वैदयक सुत्रानुसार २५ पेक्षा कमी बॉडी मास इंडेक्स असलेले पोलीसांना दरमहा २५० रुपये वेतनासोबत प्रोत्साहन भत्ता ही योजना राबविली. त्यासाठी कुटुंब योजनेअंतर्गत अंतर्भूत मान्यता असलेल्या रुग्णालयातून पोलीसांनी तपासणी करुन बी.एम.आय. प्रमाणपत्र दर वर्षाचे फेब्रुवारी अखेर घटक प्रमुखांना सादर करतील व त्याप्रमाणे पात्र पोलीसांना एप्रिल पासूनचे वेतनामध्ये २५० रुपये भत्ता लागू केला जाईल याबाबत निर्देश दिलेले आहेत. 	त्याप्रमाणे महाराष्ट्र पोलीस दलातील सर्व जिल्हयात त्याची प्रभावी अंमलबजावणी होवून योजना सुरळीत चालू आहे. एकमेव पुणे ग्रामीण पोलीस दलातील पोलीस अधिकारी व कर्मचारी यांनी वरील शासन निर्णयातील नियमाप्रमाणे सन २०२४-२५ या वित्तीय वर्षातील प्रोत्साहन भत्ता मिळणेकरीता नियमाप्रमाणे वैदयकिय प्रमाणपत्र सादर करुनही एप्रिल २०२४ पासून (सुमारे ९ महिने) प्रोत्साहन भत्त्यापासून वंचित ठेवलेले आहे. या विलंबाबाबत पोलीसांनी वरीष्ठांकडे दाद मागण्याची चर्चा केलेवर पोलीस अधीक्षक कार्यालयाकडून दिनांक १३/१२/२०२४ रोजी काही प्रमाणपत्र चुकीची असल्याचे आढळून आल्याचे कारण सांगून जिल्हयातील सुमारे १७०० पोलीस अधिकारी व कर्मचारी यांना दिनांक १६ ते २० डिसेंबर या कालावधीत मुख्यालय येथील वैदयकिय अधिकारी यांचेकडे फेरतपासणी करणेबाबत आदेश दिलेले आहेत व जे पोलीस अधिकारी कर्मचारी अनुपस्थीत राहतील त्यांना प्रोत्साहन भत्ता लागू होणार नाही असे मनमानी लेखी कळविले आहे. ९ महिने उलटूनही आजपर्यत यावर कार्यवाही का झाली नाही? याबाबत संतप्त सवाल पोलीस दलात उपस्थित होत आहे.	 वास्तविक सदर यादीतील पोलीस अधिकारी कर्मचारी यांनी मुख्यालय येथीलच वैदयकिय अधिकारी तसेच शासकिय परिपत्रकातील मान्यताप्राप्त वैदयकिय अधिकारी यांचेकडून बी.एम.आय. प्रमाणपत्र घेतलेले आहे. ज्यांनी मुख्यालय येथील वैदयकिय अधिकारी यांचेकडून यापूर्वी प्रमाणपत्र घेतले आहे जे मयत आहेत त्यांचे नाव वगळण्याची तसदी सुध्दा पोलीस अधीक्षक यांनी घेतलेली नाही. ९ महिने उलटूनही पोलीस अधीक्षक यांनी केलेल्या पडताळणीत चुकीचे आढळून आलेल्या प्रमाणपत्र देणारे डॉक्टरांवर व ते सादर करणा-यांवर चौकशी करून कारवाई का केली नाही? असा प्रामाणिक प्रश्न उपस्थित होत आहे. पुणे ग्रामीण पोलीस दलातील कर्मचा-यांवरील कामाचा ताण, कायम बंदोबस्तामुळे न मिळणा-या सुट्टया, कौंटुंबिक तणाव याचा संयम साधून इंदापुर, शिरुर, जुन्नर, ओतूर आळेफाटा, लोणावळा, वेल्हा असा ग्रामीण भागातून १०० ते १५० किलोमीटरचा दुहेरी धोकादायक प्रवास करुन बी.एम.आय. फेरतपासणी मानसिक स्थितीत राहील काय? दिवसभरात ४ तास उघडे राहणारे मुख्यालयातील दवाखान्यात कसरत करून वेळेत पोहचतील काय? असा संतप्त सवाल उपस्थित होत आहे. 	 मताचे राजकारणासाठी लाडक्या बहिणींना १५०० रुपये देणा-या सरकारने समाजाची अहोरात्र सेवा करणा-या पोलीसांसाठी आर.आर.आबा यांनी राबविलेल्या २५० रुपये प्रोत्साहन भत्त्यामध्ये सन २००६ पासून आजपर्यंत एक रुपयाची सुध्दा वाढ केलेली नाही. उलट पोलीसांचे सुरळीत चालू असलेल्या प्रोत्साहन भत्ता योजनलेला पोलीस अधीक्षक पंकज देशमुख यांनी खो घालण्याचा प्रयत्न केलेला आहे. त्यामुळे पुणे ग्रामीण पोलीस दलात तीव्र नाराजी असून भिक नको पण .... अशी दबक्या आवाजात चर्चा आहे. पोलीसांना सध्या वाली नसून भावी गृहमंत्री याबाबत योग्य निर्णय घेतील अशी पोलिसांना अपेक्षा आहे.

पोलीस अधीक्षकांच्या मनमानी कारभारामुळे पोलीसांच्या प्रोत्साहन भत्त्याला हरताळ*

सार्वजनिक आरोग्य विभागाची १९ फेब्रुवारी ते ४ मार्च दरम्यान विशेष मोतीबिंदू शस्त्रक्रिया मोहीम

लेटेस्ट अपडेट्स

प्रा.रामकृष्ण मोरे महाविद्यालयाच्या रा.से.यो. यांच्या वतीने रक्त तपासणी शिबिराचे आयोजन

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात साजरा झाला

विभागीय आयुक्त आणि पोलीस आयुक्तांनी केली विजयस्तंभ अभिवादन कार्यक्रमाच्या तयारीची पाहणी

आबांच्या योजनेला पुणे पोलीस अधीक्षकांचा खो..