मावळ : दि.१८ मावळचे आमदार सुनिल शेळके यांच्या वतीने कुरवंडे येथील जिल्हा परिषद प्राथमिक शाळा, सोलर माध्य.विद्यालयामधील 42 विद्यार्थ्यांना सायकलींचे वाटप करण्यात आले. शाळेत दूरवरुन येणाऱ्या मुलांची निवड प्राधान्याने करण्यात आल्याने नवीन सायकल मिळाल्यानंतर विद्यार्थी भारावून गेले. 'शिक्षणासाठी ग्रामीण भागातील अनेक विद्यार्थ्यांना दुर अंतरावर पायपीट करून यावे लागते. या प्रवासाचा परिणाम प्राथमिक व माध्यमिक शिक्षणावर दिसून येतो. विद्यार्थ्यांचे शिक्षण थांबु नये व त्यांचा वेळ वाचावा यासाठी आमदार सुनिल शेळके यांच्या वतीने संपुर्ण मावळ तालुक्यातील गरजु विद्यार्थ्यांना सायकल वाटप करीत आहेत याबद्दल त्यांचे आभार मानतो,असे माजी सरपंच दत्तात्रय रोकडे यांनी सांगितले. या कार्यक्रमास प्राध्यापक अजित गंगणमले, संतोष ससाणे,अरुण मातेरे, एकनाथ जांभुळकर, अविनाश जांभुळकर, सुनील मातेरे, दयानंद रोकडे, अंकुश गरुड, शैलेश ओव्हाळ, जितेंद्र बोरकर, राघू भालेराव, भाऊ शेडगे, गणेश देशपांडे, सौरभ ससाणे,आशिष ससाणे, आदित्य ससाणे,प्रतीक साबळे, शंकर शेडगे,कैलास भालेराव उपस्थित होते.

आमदार सुनिल शेळके यांच्या वतीने कुरवंडे येथील ४२ शालेय विद्य

आमदार सुनिल शेळके यांच्या वतीने कुरवंडे येथील ४२ शालेय विद्यार्थ्यांना सायकल वाटप

मावळ विधानसभा मतदारसंघातून अपक्ष उमेदवार बापूसाहेब जयवंतराव भेगडे उद्या (सोमवारी, दि. २८) आपला उमेदवारी अर्ज दाखल करणार आहेत. यावेळीसर्वपक्षीय नेतेमंडळी आणि कार्यकर्ते मोठ्या संख्येने उपस्थित राहणार आहेत.पंचमुखी मारुती मंदिरापासून ढोल ताशांच्या गजरात भव्य पदयात्रेला सुरुवात होईल. बापूसाहेब भेगडे दुपारी १२ वाजता वडगाव मावळ तहसील कार्यालयात आपला उमेदवारी अर्ज दाखल करतील. उमेदवारी अर्ज भरल्‍यानंतर वडगाव मावळपंचायत समिती चौक येथे जाहीर सभा होणार आहे. या सभेला ज्येष्ठ नेते मार्गदर्शन करतील. मावळ मतदारसंघातील कार्यकर्त्यांमध्ये प्रचंड उत्साह दिसत असून, वाढता पाठिंबा लक्षात घेता मोठ्या मताधिक्याने आपला विजय निश्चित आहे, असा दावा बापूसाहेबभेगडे यांनी केला आहे.सर्वपक्षीय नेतेमंडळी आणि कार्यकर्त्यांनी मोठ्या संख्येने उपस्थित राहावे असे आवाहन करण्यात आले आहे.

बापूसाहेब भेगडे उद्या उमेदवारी अर्ज दाखल करणार 

मावळ: मावळ तालुक्यातील लोहगड किल्ल्यावरील हजी हजरत उमरशावली बाबा दर्गा उरूसाच्या पार्श्वभूमीवर उपविभागीय अधिकारी सुरेंद्र नवले यांनी लोहगड व घेरेवाडी परिसरात २५ जानेवारी रोजी मध्यरात्री पासून ते २६ जानेवारी रोजी सकाळी ६ वाजेपर्यंत फौजदारी दंड प्रक्रिया संहिता १९७३ चे कलम १४४ प्रमाणे प्रतिबंधात्मक आदेश लागू केले आहेत. मावळ तालुक्यातील लोहगड किल्ल्यावरील हजी हजरत उमरशावली बाबा दर्गा उरूस साजरा करण्यासाठी २५ जानेवारी रोजी हिंदू मुस्लिम समाजातील नागरिक मोठ्या प्रमाणात लोहगड व घेरेवाडी या परिसरात येण्याची शक्यता आहे. त्या पार्श्वभूमीवर कायदा व सुव्यवस्थेचा प्रश्न निर्माण होवू नये यासाठी हे प्रतिबंधात्मक आदेश जारी करण्यात आले आहेत. त्यानुसार कोणतीही व्यक्ती इंस्टाग्राम, व्हॉट्सॲप, ट्विटर, फेसबुक आदी समाजमाध्यमांद्वारे अफवा, जातीय द्वेष पसरवणारे खोटे संदेश, खोटी माहिती पोस्ट करणार नाहीत किंवा फॉरवर्ड करणार नाही याची जबाबदारी संबंधित पोस्ट करणारी व्यक्ती आणि ग्रुप ॲडमिनची असेल. लोहगड व घेरेवाडी हद्दीतील गावांमध्ये स्थानिक प्रशासन व पोलीसांच्या लेखी परवानगीशिवाय सार्वजनिक ठिकाणी बॅनर, फ्लेक्स, होर्डिंग लावण्यास प्रतिबंध राहील.&nbsp; कोणताही कार्यक्रम हा पोलीस विभागाच्या व इतर विभागाच्या आवश्यक पूर्वपरवानगी शिवाय करण्यात येवू नये. समाजभावना भडकवतील अशा घोषणा, भाषण करू नये. या परिसरात मोर्चा, आंदोलन करण्यात येवू नये. प्रतिबंधित कालावधीत धार्मिक विधीसाठी पशु पक्षांचा बळी दिला जाऊ नये. ऐतिहासिक व सार्वजनिक वस्तूंचे नुकसान करण्यात येवू नये. या आदेशाचे उल्लंघन करणारी व्यक्ती भारतीय दंड विधान संहिता कलम १८८ प्रमाणे शिक्षेस पात्र राहील, असेही आदेशात नमूद केले आहे.

लोहगड किल्ल्यावरील हजी हजरत उमरशावली बाबा दर्गा उरूसाच्या पा

लोहगड किल्ल्यावरील हजी हजरत उमरशावली बाबा दर्गा उरूसाच्या पार्श्वभूमीवर प्रतिबंधात्मक आदेश जारी

पवनानगर : कॉलेजच्या मित्रांसोबत फिरायला आलेल्या एका महाविद्यालयीन विद्यार्थाचा पवना धरण परिसरातील ठाकुरसाई येथे पवना धरणाच्या पाण्यात बुडून मृत्यू झाला. स्थानिक ग्रामस्थांच्या सतर्कता आणि धाडसामुळे एका तरुणाला वाचविण्यात यश आले आहे. हि घटना आज शुक्रवारी सायंकाळी सहा वाजण्याच्या सुमारास घडली. <blockquote>मनिष शंकर शर्मा (वय-20, रा. मुंबई) असे पवना धरणाच्या पाण्यात बुडून मृत्यू झालेल्या विद्यार्थ्याचे नाव असून, आदित्य सचिन बुंदेले (वय-20, रा. नागपूर) ह्या विद्यार्थ्याला वाचविण्यात स्थानिकांना यश आले आहे.</blockquote> लोणावळा ग्रामीण पोलिसांनी दिलेल्या माहितीनुसार अहमदनगरच्या लोणी प्रवरा येथील बाळासाहेब विखे पाटील मेडिकल कॉलेजचे १५ विद्यार्थी हे शुक्रवारी प्रजासत्ताक दिनाच्या सुट्टीचे औचित्य साधून मावळ व पवना धरण परिसरात फिरायला आले होते. सायंकाळी ते पवना धरण परिसरातील ठाकुरसाई येथे फिरायला गेल्यानंतर त्यापैकी चौघेजण पोहण्यासाठी धरणाच्या पाण्यात उतरले. यावेळी मनिष आणि आदित्य यांना पोहताना येथील पाण्याच्या खोलीचा अंदाज न आल्याने तसेच पोहताना त्यांची दमछाक झाल्याने ते दोघे बुडू लागले. तर इतर दोघे तत्काळ पाण्याबाहेर आले. दोघे बुडू लागल्याचे लक्षात येताच त्यांच्या मित्रांनी त्यांना वाचवण्यासाठी आरडाओरडा करून मदतीची याचना केली. यावेळी त्या परिसरातच सध्या राहणार लोणावळा व मूळचे ठाकुरसाईचे असलेले शिवदुर्ग मित्रचे सदस्य आकाश शांताराम मोरे व ठाकुरसाईचे सुनील भाऊ ठाकर यांनी आरडाओरडा ऐकून घटनास्थळी धाव घेत कशाचीही पर्वा न पाण्यात उडी मारुन दोघांना वाचविण्याचा प्रयत्न केला. यामध्ये आदित्यला वाचविण्यात दोघांना यश आले मात्र मनिषला वाचविण्यातअपयश आले. या घटनेची माहिती मिळताच लोणावळा ग्रामीणचे पोलिस कर्मचारी विजय गाले, अमोल गवारे, होमगार्ड भिमराव वाळुंज, स्थानिक ग्रामस्थ दत्ता ठाकर व रवि ठाकर यांनी तत्काळ घटनास्थळी धाव घेत घटनेची पहाणी करत आकाश मोरे व सुनील ठाकर यांच्या मदतीने अवघ्या अर्धा ते पाऊण तासात मनीषचा मृतदेह बाहेर काढण्यात यश आले. या घटनेची माहिती दोन्ही विद्यार्थ्यांच्या कुटुंब व नातेवाईकांना देण्यात आली असून, या घटनेचा पुढील तपास लोणावळा ग्रामीण पोलीस करीत आहेत.

मित्रांसोबत फिरायला आलेल्या एका विद्यार्थाचा  पवना धरणात बुड

मित्रांसोबत फिरायला आलेल्या एका विद्यार्थाचा  पवना धरणात बुडून मृत्यू झाला

मावळ :- सावित्रीबाई फुले पुणे विद्यापीठाच्या राष्ट्रीय सेवा योजनेअंतर्गत पुणे जिल्हा शिक्षण मंडळाच्या आकुर्डी येथील प्रा.रामकृष्ण मोरे महाविद्यालयाचे विशेष हिवाळी श्रमसंस्कार शिबीर मौजे दिवड, तालुका मावळ येथे, जनकल्याण रक्त पेढी पुणे व राष्ट्रीय सेवा योजना यांच्या सहकार्यातून दिवड येथे 110 मुलींचे रक्ताचे नमुने तपासण्यात आले. यावेळी महाविद्यालयाचे उपप्राचार्य प्रा.डॉ.सोनवणे एच.बी. यांनी मार्गदर्शन केले. या कार्यक्रमाला डॉ. शिल्पागौरी गणपुले , डॉ. सुधीर बोराटे आणि डॉ.रामदास लाड हे उपस्थित होते. यावेळी मुलींना हिमोग्लोबीन वाढविण्यासाठी डॉ. शिल्पा जाजु, डॉ. रेणु वटकर यांनी मार्गदर्शन केले. तसेच अंगणवाडी येथे बोलक्या भिंतीचे चित्रीकरण करण्यात आले व पुस्तक पेटी, ग्रंथदान , खेळणी इ. साहित्याचे वाटप करण्यात आले. मौजे दिवड येथील प्राथमिक शाळेत देखील पुस्तकपेटी व खेळाचे साहित्य विद्यार्थ्यांना या प्रसंगी देण्यात आले. यानंतर येथील श्री संत ज्ञानेश्वर माध्यमिक विद्यालयातील विद्यार्थिनींसाठी व्यक्तिमत्त्व विकासावर व रोजगाराच्या संधी या विषयावर व्याख्यानाचे आयोजन करण्यात आले होते. प्रमुख वक्ते म्हणून डॉ. संगीता रानडे (रोटरी क्लब ,चिंचवड पुणे ) यांनी विद्यार्थिनींना मार्गदर्शन करताना भाष्य केले कि, मुलींनी आकर्षणाला बळी न पडता वास्तविकतेचा विचार करून निर्णय घेतला पाहिजे. आपल्या मार्गदर्शनामध्ये त्यांनी सांगितले कि विद्यार्थिनींनी प्रामाणिकपणा, शिस्त, अणि वक्तशीरपणा याचे पालन केले पाहिजे. त्यानंतर या कार्यक्रमाचे प्रमुख पाहुणे म्हणून हर्षा जोशी (अध्यक्ष रोटरी क्लब चिंचवड,पुणे) यांनी विद्यार्थ्यांंना येणार्‍या मानसिक अणि सामाजिक समस्यांविषयी मार्गदर्शन केले. तसेच दुपारच्या सत्रात प्रा.रामकृष्ण मोरे कॉलेज मधील मराठी विभाग प्रमुख प्रा.डॉ. एम.एम. बागुल यांनी मराठी भाषेची अस्मिता व अभिजात मराठी भाषा यावर भाष्य केले.तसेच प्रा.डॉ.अमोल बीबे यांनी वृक्षारोपण करणे काळाची गरज असल्याचे मत मांडले. या कार्यक्रमाचे प्रमुख उपस्थिती एकता प्रतिष्ठानचे मा. बाळासाहेब घारे व रश्मी घारे गाव डोणे यांनी आर्थिक साक्षरता, बँकिंग मधील डिजिटल फसवणूक आदी विषयांवर आपले विचार मांडले. याप्रसंगी जिल्हा समन्वयक डॉ. सारिका मोहोळ राष्ट्रीय सेवा योजनेचे कार्यक्रम अधिकारी प्रा.डॉ.मधूकर राठोड, प्रा. डॉ.पुनम वाणी, प्रा. डॉ. वैभव साळवे तसेच समिती सदस्य प्रा. मधुजीत नायकवडी, प्रा.विक्रांत शेळके,प्रा. सरिता भंडारी, प्रा. गंगाधर किटाळे हे उपस्थित होते. .....<img src="https://newsdreamcare.s3.amazonaws.com/899c8140-5991-4a25-9063-56762d0822bb.png">

प्रा.रामकृष्ण मोरे महाविद्यालयाच्या    रा.से.यो. यांच्या वती

प्रा.रामकृष्ण मोरे महाविद्यालयाच्या    रा.से.यो. यांच्या वतीने रक्त तपासणी  शिबिराचे आयोजन

&nbsp;प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात&nbsp;साजरा झाला &nbsp;बेबडओहळ:&nbsp;&nbsp;दिनांक २४ डिसेंबर २०२४ रोजी शिव मल्हार एज्युकेशन ट्रस्ट संचलित&nbsp;प्राईम रोझ इंग्लिश मिडियम&nbsp;स्कूलमध्ये वार्षिक स्नेहसंमेलन मोठ्या जल्लोषात साजरा झाला. शाळेचे संस्थापक डॉ. सत्यवान बालवडकर सर आणि शाळेच्या मुख्याध्यापिका निकिता वधवा तसेच उपस्थित प्रमुख पाहुणे वानप्रस्थाश्रमच्या संचालिका उर्मिला भरत छाजेड यांच्या हस्ते प्रतिमा पुजन व दीपप्रज्वलन झाले. त्यानंतर&nbsp;कार्यक्रमास सुरूवात&nbsp;झाली . उपस्थित मान्यवरांचे सत्कार&nbsp;झाले.&nbsp;या कार्यक्रमाचा विषय ‘One God Many Faces’ म्हणजे ‘एक परमात्मा पण त्याची असंख्य रूपे’ हा होता.वार्षिक स्नेहसंमेलन हा विद्यार्थ्यांच्या गुणवत्तेचा आणि कला गुणांचा कार्यक्रम आणि त्या गोष्टीचे औचित्य साधून विद्यार्थ्यांनी आपला कलाविष्कार दाखवला . तसेच प्रमुख पाहुणे म्हणून उपस्थित असलेल्या उर्मिला छाजेड यांनी मार्गदर्शनपर वक्तव्य केले.कार्यक्रमासाठी सर्व विद्यार्थी खूप उत्साहित होते. सर्व जाती धर्म वेगळे असले तरी विविधतेत एकता आहे. असा संदेश देण्याचा या कार्यक्रमा पाठीमागचा प्रमुख उद्देश होता. तसेच उपस्थित मान्यवर ,शाळेचे संस्थापक ,मुख्याध्यापिका यांच्या हस्ते गुणवंत विद्यार्थ्यांचा सत्कार करण्यात आला..अशा प्रकारे&nbsp;शाळेचे संस्थाप्रमुख, शाळेच्या मुख्याध्यापिका,उपस्थित मान्यवर, विद्यार्थी, व पालकवर्ग,शिक्षक तसेच शिक्षकेतर कर्मचारी&nbsp;यांच्या उपस्थितीत कार्यक्रम जल्लोषात संपन्न झाला. ......<img src="https://newsdreamcare.s3.amazonaws.com/32df5b65-652a-4f56-aeee-324839be5f4b.png">

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मो

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात साजरा झाला

पुणे, दि. ३०: विभागीय आयुक्त डॉ. चंद्रकांत पुलकुंडवार तसेच पोलीस आयुक्त अमितेश कुमार यांनी पेरणे येथे विजयस्तंभ अभिवादन कार्यक्रमाच्या अनुषंगाने सुरू असलेल्या तयारीची पाहणी केली. यावेळी पोलीस सह आयुक्त रंजन कुमार शर्मा, अतिरिक्त पोलीस आयुक्त मनोज पाटील, पोलीस उपायुक्त डॉ. राजकुमार शिंदे, उप विभागीय अधिकारी यशवंत माने आदी उपस्थित होते. यावेळी त्यांनी विजयस्तंभाचे सुशोभीकरण, गर्दी व्यवस्थापन, रांगा व्यवस्थापनाच्या अनुषंगाने केलेले नियोजन, आजूबाजूच्या जागेचे सपाटीकरण तसेच उभारण्यात येत असलेली शौचालये, उभारलेले पेंडाल, पोलीस सूचना मनोरे आदींच्या उभारणीची तयारी आदीची पाहणी करून संबंधितांना सूचना दिल्या. उपस्थित विविध संघटनांचे प्रतिनिधींशीही त्यांनी संवाद साधून त्यांच्या सूचना जाणून घेतल्या......<img src="https://newsdreamcare.s3.amazonaws.com/e3174473-7a22-4fc6-be6e-b189c59cfc4c.png">

विभागीय आयुक्त आणि पोलीस आयुक्तांनी केली विजयस्तंभ अभिवादन क

विभागीय आयुक्त आणि पोलीस आयुक्तांनी केली विजयस्तंभ अभिवादन कार्यक्रमाच्या तयारीची पाहणी

*आबांच्या योजनेला पुणे पोलीस अधीक्षकांचा खो..* *पोलीस अधीक्षकांच्या मनमानी कारभारामुळे पोलीसांच्या प्रोत्साहन भत्त्याला हरताळ* पुणे :- लाठी काठी आणि कायदयाचा धाक दाखवणारं पोलीस खात म्हणजे गृह खातं अशी ओळख, पण आबांनी या खात्याचा उपयोग माणसांची मनं सांधण्यासाठी केला. सत्ता ही सर्वसामान्य माणसांच्या प्रगतीसाठी आणि त्यांचे उत्थानासाठी वापरायची असते हे आबांनी त्यावेळी कृतीतून दाखवून दिले. उपमुख्यमंत्री व गृहमंत्री पद भोगत असताना त्यांनी आबाचा कधी आबासाहेब होवू दिला नाही. गृहमंत्री पदाची धुरा सांभाळताना अभ्यासपूर्ण केलेली पारदर्शक मेघा पोलीस भरती. आजही त्यावेळी भरती झालेले पोलीस त्यांचे फोटोचे रोज दर्शन घेतात. त्यांचे कारकिर्दीतील महात्मा गांधी तंटामुक्ती अभियान, संत गाडगेबाबा स्वच्छता अभियान, डान्सबारवरील प्रभावी बंदी, पारदर्शक गृहखात्याचा कारभार व पोलीसांबद्दलची आत्मीयता यामुळेच त्यांचेकडे आजही कोणी बोट दाखवू शकत नाही. त्यांच्या या योजनांमुळे पिढयांनपिढयाचे वैर भांडणे संपुष्टात आली.अनेक उद्धस्त होणारे संसार वाचले. 	 आबांचे गृहमंत्री कारकिर्दीत सन २००६ मध्ये पारीत केलेले शासन परिपत्रकाप्रमाणे, पोलीस दलातील ३० वर्षापेक्षा जास्त वय असलेले पोलीस शिपाई ते पोलीस निरीक्षक यांचेसाठी वजन, उंची या वैदयक सुत्रानुसार २५ पेक्षा कमी बॉडी मास इंडेक्स असलेले पोलीसांना दरमहा २५० रुपये वेतनासोबत प्रोत्साहन भत्ता ही योजना राबविली. त्यासाठी कुटुंब योजनेअंतर्गत अंतर्भूत मान्यता असलेल्या रुग्णालयातून पोलीसांनी तपासणी करुन बी.एम.आय. प्रमाणपत्र दर वर्षाचे फेब्रुवारी अखेर घटक प्रमुखांना सादर करतील व त्याप्रमाणे पात्र पोलीसांना एप्रिल पासूनचे वेतनामध्ये २५० रुपये भत्ता लागू केला जाईल याबाबत निर्देश दिलेले आहेत. 	त्याप्रमाणे महाराष्ट्र पोलीस दलातील सर्व जिल्हयात त्याची प्रभावी अंमलबजावणी होवून योजना सुरळीत चालू आहे. एकमेव पुणे ग्रामीण पोलीस दलातील पोलीस अधिकारी व कर्मचारी यांनी वरील शासन निर्णयातील नियमाप्रमाणे सन २०२४-२५ या वित्तीय वर्षातील प्रोत्साहन भत्ता मिळणेकरीता नियमाप्रमाणे वैदयकिय प्रमाणपत्र सादर करुनही एप्रिल २०२४ पासून (सुमारे ९ महिने) प्रोत्साहन भत्त्यापासून वंचित ठेवलेले आहे. या विलंबाबाबत पोलीसांनी वरीष्ठांकडे दाद मागण्याची चर्चा केलेवर पोलीस अधीक्षक कार्यालयाकडून दिनांक १३/१२/२०२४ रोजी काही प्रमाणपत्र चुकीची असल्याचे आढळून आल्याचे कारण सांगून जिल्हयातील सुमारे १७०० पोलीस अधिकारी व कर्मचारी यांना दिनांक १६ ते २० डिसेंबर या कालावधीत मुख्यालय येथील वैदयकिय अधिकारी यांचेकडे फेरतपासणी करणेबाबत आदेश दिलेले आहेत व जे पोलीस अधिकारी कर्मचारी अनुपस्थीत राहतील त्यांना प्रोत्साहन भत्ता लागू होणार नाही असे मनमानी लेखी कळविले आहे. ९ महिने उलटूनही आजपर्यत यावर कार्यवाही का झाली नाही? याबाबत संतप्त सवाल पोलीस दलात उपस्थित होत आहे.	 वास्तविक सदर यादीतील पोलीस अधिकारी कर्मचारी यांनी मुख्यालय येथीलच वैदयकिय अधिकारी तसेच शासकिय परिपत्रकातील मान्यताप्राप्त वैदयकिय अधिकारी यांचेकडून बी.एम.आय. प्रमाणपत्र घेतलेले आहे. ज्यांनी मुख्यालय येथील वैदयकिय अधिकारी यांचेकडून यापूर्वी प्रमाणपत्र घेतले आहे जे मयत आहेत त्यांचे नाव वगळण्याची तसदी सुध्दा पोलीस अधीक्षक यांनी घेतलेली नाही. ९ महिने उलटूनही पोलीस अधीक्षक यांनी केलेल्या पडताळणीत चुकीचे आढळून आलेल्या प्रमाणपत्र देणारे डॉक्टरांवर व ते सादर करणा-यांवर चौकशी करून कारवाई का केली नाही? असा प्रामाणिक प्रश्न उपस्थित होत आहे. पुणे ग्रामीण पोलीस दलातील कर्मचा-यांवरील कामाचा ताण, कायम बंदोबस्तामुळे न मिळणा-या सुट्टया, कौंटुंबिक तणाव याचा संयम साधून इंदापुर, शिरुर, जुन्नर, ओतूर आळेफाटा, लोणावळा, वेल्हा असा ग्रामीण भागातून १०० ते १५० किलोमीटरचा दुहेरी धोकादायक प्रवास करुन बी.एम.आय. फेरतपासणी मानसिक स्थितीत राहील काय? दिवसभरात ४ तास उघडे राहणारे मुख्यालयातील दवाखान्यात कसरत करून वेळेत पोहचतील काय? असा संतप्त सवाल उपस्थित होत आहे. 	 मताचे राजकारणासाठी लाडक्या बहिणींना १५०० रुपये देणा-या सरकारने समाजाची अहोरात्र सेवा करणा-या पोलीसांसाठी आर.आर.आबा यांनी राबविलेल्या २५० रुपये प्रोत्साहन भत्त्यामध्ये सन २००६ पासून आजपर्यंत एक रुपयाची सुध्दा वाढ केलेली नाही. उलट पोलीसांचे सुरळीत चालू असलेल्या प्रोत्साहन भत्ता योजनलेला पोलीस अधीक्षक पंकज देशमुख यांनी खो घालण्याचा प्रयत्न केलेला आहे. त्यामुळे पुणे ग्रामीण पोलीस दलात तीव्र नाराजी असून भिक नको पण .... अशी दबक्या आवाजात चर्चा आहे. पोलीसांना सध्या वाली नसून भावी गृहमंत्री याबाबत योग्य निर्णय घेतील अशी पोलिसांना अपेक्षा आहे.

पोलीस अधीक्षकांच्या मनमानी कारभारामुळे पोलीसांच्या प्रोत्साहन भत्त्याला हरताळ*

आमदार सुनिल शेळके यांच्या वतीने कुरवंडे येथील ४२ शालेय विद्यार्थ्यांना सायकल वाटप

बापूसाहेब भेगडे उद्या उमेदवारी अर्ज दाखल करणार

लोहगड किल्ल्यावरील हजी हजरत उमरशावली बाबा दर्गा उरूसाच्या पार्श्वभूमीवर प्रतिबंधात्मक आदेश जारी

मित्रांसोबत फिरायला आलेल्या एका विद्यार्थाचा पवना धरणात बुडून मृत्यू झाला

लेटेस्ट अपडेट्स

प्रा.रामकृष्ण मोरे महाविद्यालयाच्या रा.से.यो. यांच्या वतीने रक्त तपासणी शिबिराचे आयोजन

प्राईम रोझ इंग्लिश मिडीयम स्कूल मध्ये वार्षिक स्नेहसंमेलन मोठ्या जल्लोषात साजरा झाला

विभागीय आयुक्त आणि पोलीस आयुक्तांनी केली विजयस्तंभ अभिवादन कार्यक्रमाच्या तयारीची पाहणी

आबांच्या योजनेला पुणे पोलीस अधीक्षकांचा खो..